आनंदकंद ऐसा, तो राम नित्य आहे ।
भक्तांस धीर देण्या, तो राम नित्य आहे ।
दाही दिशाच होती, विक्राळ काळ जेव्हा,
तू घाबरू नको रे, तो राम नित्य आहे ।
एकेक पान लागे, देठातुनी गळाया,
नाहीस एकटा रे, तो राम नित्य आहे ।
या बेरजा जरीही, शुन्यास दाखवीती,
शुन्यातही परंतु, तो राम नित्य आहे ।
भांबावलास का तू, संसारसागरी या,
आदर्श सर्वकाळी, तो राम नित्य आहे ।
दे टाकूनी मनाचे, दौर्बल्य लाजिरे हे,
पाठी तुझ्या सदा ही, तो राम नित्य आहे ।
कवियेत्री - शैलजा शेवडे
टिप्पणी पोस्ट करा Blogger Facebook