प्रेमाचे विज्ञान..funny-love-poem :)

मी फार टेक्नीकल बोलतो,

अस सारख वाटत होत तिला,

"मै ऐसा ही हूँ " म्हणुन ,

सांगू तरी कस तिला .

ती म्हणते बघ ना रे,

सुटलाय धुंद गार वारा,

मी म्हणतो हवामान खात्याने,

दिला होता कालच इशारा.

ती म्हणते हात तुझा ,

किती उबदार वाटतो मला,

मी म्हणतो बहुतेक असेल ,

किंचितसा ताप मला.

मी म्हणतो समुद्राच्या पाण्यात ,

कैल्शियम च फेस आहे ,

ती म्हणते काही सांगू नकोस ,

तू मोठी सायकोलोजिकल केस आहेस .

ती रोमांस मधली नजाकत मला सांगते,

मी सुद्धा गुणसुत्रांची गुंतागुंत सांगतो,

ती कपाळावर स्वतःच्या मारून घेते ,

मी पुढच्या वाक्याची वाट पाहतो .

आता हळू हळू मला प्रेमाचे,

विज्ञान कळायाला लागलय ,

तिलापन माझ्या सोबत राहून,

विज्ञानावर प्रेम बसलय.

- शशांक प्रतापवार

 आंतरजालावरून साभार - ई-मेल फॉरवर्ड - आभार - लेखक / कवी