तू राहशील का माझी....

उरलेल्या ह्या श्वासांची शप्पत

साथ तुझी सोडणार नाही

हा पाऊस नसला तरी

माझे बरसने थाबंनार नाही || १ ||

डोळे मिटून घे अन्

घे हा मातीचा सुगंध

त्यातही शेवटी येईल तुला

फ़क्त माझाच मंद गंध || २ ||

तू असे म्हणतेस

की तुझ्या आठवणीवर जगायचेय

माझ्या आठवणी असताना

मला सोबतीला का घ्यायचेय ? || ३ ||

तू नाही आता एकटी

मीही तुझ्या साथीला आहे

मृगजळ नाही तर

माझ्या प्रेमाचा वर्षाव आहे || ४ ||

म्हणुन खरे सांगतो तुला

मला हवीय सोबत तुझी

मी आहे फ़क्त तुझा

तू राहशील का माझी ? || ५ ||

तू नव्हतीस तेव्हा

जीवन माझे होते व्यर्थ

तुझ्या साथीमधेच माझ्या

जीवनाला आहे अर्थ || ६ ||

कवी : प्रताप

Submitted By: रनिश

 आंतरजालावरून साभार - ई-मेल फॉरवर्ड - आभार - लेखक / कवी