रिमझिम धून, आभाळ भरून...Rimzhim Dhun, Abhaal Bharun

रिमझिम धून, आभाळ भरुन
हरवले मन, येणार हे कोण ?

मन फुलांचा थवा, गंध हा हवा हवा
वाहतो वारा नवा, जुन्यात हरवून

गूज मनीचे मनाला, आठवूनी त्या क्षणाला
सांगावे का माझे मला, उगाच मनात बावरुन

वार्‍यात गाणे कुणाचे, गाण्यात वारे मनाचे
मनाच्या वार्‍यात आता, सुरात तुला मी कवळून

गीतकार- सौमित्र
गायक - मिलिंद इंगळे
संगीतकार - मिलींद इंगळे
अल्बम - गारवा